كنت اقرا الجريدة كالعادة بس على النت لأني ما أشتريها واتفاجئت باختفاء عامود راي الناس اللي كانوا الناس ينشرون فيه آراءهم ومشاكلهم وتنزل فالجريدة كل اسبوع او حسب, وللحين أحاول اعرف سبب إزالة هالعامود من الجريدة!
أتوقع إن مشاكل الناس صارت هم كبير ما تقدر تتحمله الجريدة يعني زيادة ورق وحبر [ مالهم داعي صح؟ ]
مرة قريت عن بطاقة ثقة اللي لها مميزات وسلبيات في نفس الوقت وعشان ما نظلم حد هم سووها لمصلحتنا فالنهاية وعشان مصلحة العيادات والمستشفيات الخاصة المهم قريت عن مواطنة تشكتي من أخذ العيادات منها مبلغ يقارب 800 درهم للعلاج مع إن
العلاج نص حسابه عالدولة والـ 800 هي أدوية وعلاج أسنان اتوقع, طيب مدام انه راح ندفع فلوس هالكثر فالنهاية شو لازمة هالبطاقة؟
[ منظر؟ ].
في شعبيتنا أو حارتنا مثل ما يسمونها فيه تفرقة عنصرية من ناحية النظافة, جزء من الشوارع يزال منه التراب ويتنظف وجزء ثاني ما يقربون صوبه! وكأنه مكتوب عليه ممنوع الاقتراب شو السبب الله اعلم.
امممممم كانت البلدية قبل ما نستلم بيتونا اللي في منطقتنا واعدتنا بتغييرات جذرية للمكان وتطورات كثيرة لكنهم تأخروا في هالشي وااااايد حتى إنهم وصلوا لمبزرة ووقفوا ما صار فيه أي جديد بخصوص منطقتنا وكل التحديثات والتطويرات يسوونها في المناطق الثانية ويذكرونها
فالجرايد والأخبار لكن منطقتنا ممسوحة من الخريطة اساسا ومحد يعرفها يعني لو بتوصفها لناس بيقولون لك [ أها قصدك الوقن ؟ ] وهي منطقة ابعد بكثير عنا!
فيه مشكلة معينة فالدراسة الطلاب فجأة قاموا يدرسون بالإنجليزي مع إنه الدولة تقول حافظوا عاللغة العربية وهويتنا عربية وكل شي بالعربي أنا مب فاهمة دام إنهم يحبون اللغة العربية هالكثر ليش غيروا المناهج وقلبوها انجليزي ويابوا لنا أجانب ما يدرون وين الله حاطنهم؟
واحد من المواطنين اشتكى بخصوص كتاب الانجليزي لما غيروا المنهج وكاتبين للطلاب الصغار قصة حياة فنانة [ مطربة هي ] وكيف كافحت عشان توصل للشهرة, الحين شدخل الطلاب بقصة حياتها ولا هاي دعوة صريحة لدخول مجال الفن والطرب على الطريقة الاجنبية؟
وفوق هذا بدل ما يعلمون الطلاب تعاليم دينهم بالانجليزي كاتبين عن الكنائس والنصارى وعن أشياء ما لنا دخل فيها, الله المستعان.
ليست هناك تعليقات:
إرسال تعليق